Dem Huaba von der Holledau
mit seinem festen Rahmenbau,
dem macht sein Herz in letzter Zeit
so hin und wieder Schwierigkeit.
De Pumpn ziagt nimma so recht,
ja manchmal werd eahm sogar schlecht,
so dass er glei zum Dokta rennt
ob der vielleicht eahm helfen könnt.
Doch der sagt: Du mei liaba Mo
bei dir da fang i nimmer o
mit dir werd ned lang umatanzt
dir werd ein neues eingepflanzt.
Er schicktn drum nach Minga nauf,
da stemmans seinen Brustkorb auf.
Sie schneiden de alte Wergl raus
mit dem Huaba da ist vorerst aus.
Und drent im Herz-Ersatzteitl-Lager
da habn ses fett, da habn ses mager,
da habn ses männlich, habn ses weiblich,
so weich , so zart, so unbeschreiblich.
Doch iatz da kimmt des große Gfrett
a Hopfaherz des findens net.
A Herz des wo fürn Hopfa schlagt,
weil er koa anders ned votragt
da Huaba vo da Holledau
mit seinem festen Rahmenbau.
Da hams des alte repariert,
mit Systox griem und eingeschmiert,
mit Wacker reichlich noch begossen,
den Brustkorb dann wieder verschlossen.
Nun lebt er wieder ei schau,
da Huaba von der Holledau.
Franz Zettl, Koppenwall um 1970